“మతాలన్నీ ముఢాచారాలని కలిగిఉన్నాయనీ, వీటికి శాస్త్రీయత ఉండదనీ. జనాలు ఏది,ఎందుకు చేస్తున్నారో తెలీకుండా గుడ్డిగా చేస్తుంటారనీ, మెదడు అస్సలు ఉపయోగించరనీ” – విమర్శిస్తుంటారు.
“దర్గాలకు వెళ్ళి సమాధులకు మొక్కడం, పీర్లను ఎత్తుకుని ఊరేగడం ” – లాంటి వన్నీ మూఢాచారాలని నేనంటే – “నీకు సూఫీయిజం గొప్పతనం తెలీదు, అది వివిధ మతాలోల్లనందర్నీ ఎలా దగ్గర చేస్తుందో నీకు తెలీదు, నువ్వు ఫండమెంటలిస్టువి అని వీల్లే మళ్ళీ విమర్శిస్తారు.
************
“ఇదిగో అమ్మాయిలూ , పురుషుల్లో 90% మంది పరస్త్రీలతో సంబంధం కోసం కాచుక్కూర్చోనుంటారు, ఏదో ఓ వంకతో, స్నేహమనీ,ప్రేమనీ,కవితలనీ, కథలనీ మాయమాటలు చెప్పి పరస్త్రీలకు దగ్గరవ్వాలని చూస్తుంటారు. వీరిని నమ్మబాకండి” – అని ఎవరైనా రాస్తే మాత్రం – దానిని, ఆహా, ఓహో అని కీర్తిస్తారు. తమ కూతుర్లు,అక్కలు,చెల్లెల్లూ ఇది చదివి, జాగ్రత్తపడితే బాగుండు అని భావిస్తారు – ఎందుకంటే – అది నిజం అని ప్రతి మగాడికీ తెలుసు కాబట్టి. “స్త్రీ-పురుషులు సమానమే, 90% మహిళలు కూడా పరపురుషులతో సంబంధాల కోసం కాచుక్కూర్చునుంటారు. కాబట్టి, ఇది తప్పుడు పోస్టు” – అని ఎవ్వరూ కామెంట్లు రాయరు. ఎందుకంటే , అది తప్పుడు లాజిక్ అనీ, ఎక్కడా అలా జరగదనీ వారికి తెలుసు కాబట్టి.
అదే గనక,
స్త్రీపురుషులు సరూపాలే తప్ప, సర్వసమానులు కారనీ, ఒకరు ఎక్కువా,ఒకరు తక్కువా కారనీ – వారి లక్షణాలూ, శరీర ధర్మాలను బట్టి, దీనికి అనుగునంగానే సృష్టికర్త కొన్ని విషయాల్లో స్త్రీ,పురుషులకు వేరువేరు నిబంధనలు సూచించారనీ అంటే –
-“అలా ఎలా సమానం కాకుండాపోతారు, మగాడికి నాలుగు, స్త్రీకి ఒక్కటే ఏంది. ఇది అన్యాయం కాదా, స్త్రీలను అణచేయడం కాదా, తొక్కేయడం కాదా” -.. అని ఆపసోపాలు పడతారు.
**********
మెటీరియల్ పొసేషన్సే మనిషి విజయానికి కొలమానం కాదనీ, ఏదో ఓ రోజు, తనువు చాలించి సృష్టికర్త వైపుకే మరలి వెల్లాల్సిఉంటుందనే విషయాన్ని నిరంతరం గుర్తుపెట్టుకుని, కోర్కెల్ని అదుపులో పెట్టుకుని, నిరాడంబరంగా జీవించాలనే ఇస్లాం సందేశాన్ని, ఔట్డేటెడ్ గా, పురాతన భావజాలంగా అభివర్ణిస్తారు. -“మనిషికి ఏదీ కావాలో, ఏది మంచో,ఏది చెడో తెలుసుకునే తెలివితేటలు లేవా, సొంతంగా నిర్వచించుకోలేడా , ఎవరో ప్రవక్తనో , గ్రంధమో చెప్తే తప్ప జనాలు తెలుసుకోలేరా” – అని వాదిస్తారు.
మళ్ళీ రెండు రోజుల తర్వాత వీరే – ఆధునిక జీవితం అంతా మోసమే ననీ, ఏ దేశ విధానాన్ని చూసినా, మెజారిటీ ప్రజల శ్రమను దోచుకుని, కేవలం కొందరు వ్యక్తులు మాత్రమే సంపదనంతా తమ దగ్గర పోగేసుకుంటున్నారనీ, ప్రజాస్వామ్యాల్నీ,చట్టాల్నీ, ఎన్నికల్నీ కొందరు/కొన్ని శక్తులు మాత్రమే శాశిస్తున్నారనీ, కొందరు సుప్రీం కోర్టు జడ్జీల్ని గుప్పిట్లో పెట్టుకుని న్యాయం అనే పదానికి కూడా అర్థం లేకుండా చేశారనీ వాపోతారు.
***********
అందరూ అని కాదు గానీ, ఈ టైపు ఆర్గుమెంట్లు చేసేవారు నాకు నిత్యం తారసపడుతుంటారు. సోషల్ మీడియాలో వీరిదే మెజారిటీ.
“ఎప్పటికెయ్యది ప్రస్తుత
మప్పటికా మాటలాడి యన్యుల మనముల్
నొప్పింపక తా నొవ్వక
తప్పించుక తిరుగువాడు ధన్యుడు సుమతీ”
అట్టా ఎన్నాల్లు తమని తాము తప్పించుకు తిరుగుతారనేదే ప్రశ్న.