నేరము-శిక్ష : ఖైదీ!!!

1983లో వచ్చిన చిరంజీవి ఖైదీ సినిమా ఓ బ్లాక్ బస్టర్. ట్రెండ్ సెట్టర్. అందులో సూర్యం ఏ తప్పూ చేయని అమాయకుడు. కానీ వాళ్ళ ఊరి జమీందారూ,సర్పంచూ కలిసి సూర్యం నాన్నను అన్యాయంగా చంపేశారు. సూర్యం కష్టపడి పెంచుకున్న అరటితోటను, పంట కాపుకొచ్చే సమయానికి తగలబెట్టేశారు. అతని అక్కను చెరచబోతే ఆమె ఆత్మహత్య చేసుకుంది. ఇన్ని చేసికూడా జమీందారూ,సర్పంచూ తమ డబ్బు,అధికారం,పలుకుబడి ఉపయోగించుకుని ఎలాంటి శిక్షా అనుభవించకుండా నిక్షేపంగా ఉన్నారు. ఇలాంటి పరిస్థితుల్లో ఉప్పూకారం తినే సగటు మానవుడు ఎవరైనా ఏం చేయాలి? తనకు న్యాయమనిపించిందీ, తాను చేయగలిగిందీ చేసేయాలి. సూర్యం ఇదే చేశాడు. జమీందారునూ, సర్పంచునూ చంపేశాడు. ‘నా తండ్రి చావుకు కారణమైన వాడెవడో తెలిసికూడా, వాడు నా కళ్ళముందే తిరుగుతున్నాకూడా, ఏమీ చేయలేని పిరికివాడిగా తలొంచుకుని బ్రతకమంటావా?’ అని సూర్యం హీరోయిన్ ని ఆవేశంగా ప్రశ్నిస్తాడు. తెలుగు ప్రజలందరూ సూర్యం ఆవేశంలో తమను తాము ఐడెంటిఫై చేసుకున్నారు. సర్పంచూ, జమీందార్ల హత్యను స్వాగతించారు. సినిమా బ్లాక్ బస్టర్ అయింది. ఇదే సినిమా కన్నడలో కూడా సూపర్ హిట్ అయింది. ఇలాంటి సినిమా అప్పుడైనా, ఇప్పుడైనా, ఎక్కడైనా సూపర్ హిట్ అవ్తుంది. ఎందుకంటే, న్యాయాన్ని కోరుకోవడం, అన్యాయాన్ని సహించలేకపోవడం అనేవి మనిషి స్వాభావిక లక్షణాలు. బేసిక్ ఇన్స్టింక్ట్స్. తనకు మాత్రమే కాకుండా, ఎదుటి వ్యక్తికి కూడా న్యాయం జరగాలనీ, అన్యాయం జరగకూడదనీ సగటు మనిషి ఆశిస్తాడు.

Continue reading “నేరము-శిక్ష : ఖైదీ!!!”

ఇస్లాం గురించి వివరించిన లెక్కల ప్రొఫెసర్ – జెఫ్రీ లాంగ్


స్థలం : University of San Francisco, USA
కాలం : 1982

Dr Jeffrey Lang – మ్యాధమ్యాటిక్స్ ప్రొఫెసర్ – క్లాస్ తర్వాత, స్టాఫ్ క్వార్టర్స్ లో తనకు కేటాయించిన గదికి వచ్చాడు. ఆ గదికి అతనెప్పుడూ తాలం వేయడు. ఎందుకంటే, ఆ తాలం చెవి ఎక్కడో పోగొట్టుకోవడం, ఆఫీస్ రూం కెల్లి డూప్లికేట్ కీ తెచ్చుకోవడం చాలా సార్లు జరిగింది. ఎందుకొచ్చిన గొడవలెమ్మని , దానికి తాళం వేయడమే మానేశాడు. పైగా, స్టూడెంట్స్ అసైన్మెంట్స్ సబ్మిట్ చేయడానికి వచ్చినప్పుడు కన్వీనియంట్ గా ఉంటుందని, తాను రూం లో లేకున్నా కూడా వెయిట్ చేయకుండా, అక్కడున్న ర్యాక్ లో అసైన్మెంట్స్ పేపర్లు పెట్టేసి వెళ్ళమని చెప్పాడు. అలా ఆరోజు క్లాస్ నుండీ వచ్చిన జఫ్రీ ల్యాంగ్ కు, ఆ ర్యాక్ లో పేపర్లపైన ఓ పుస్తకం కనబడింది. ఏంటా ఈ పుస్తకం అని దానిని చేతిలోకి తీసుకుని చూశాడు. అదేంటో అర్థమైంది. ఎవరు పెట్టి ఉంటారో కూడా అర్థమైంది. “కుర్ర కుంకల్లారా, ఏదో క్యాజువల్ గా రెండు ప్రశ్నలెయ్యగానే, నాకే ఎర వెయ్యాలని చూస్తున్నారా.. నేనెంత ముదుర్నో మీకు తెలీద్రోయ్, నన్ను భరించలేక చర్చి వాల్లే నన్ను తరిమేశారు”- అని మనసులో అనుకుని, ఆ పుస్తకాన్ని పక్కన పడేశాడు.

Continue reading “ఇస్లాం గురించి వివరించిన లెక్కల ప్రొఫెసర్ – జెఫ్రీ లాంగ్”

ద మైండ్-సెట్ ఆఫ్ ఐడెంటిటీ


పార్ట్-1: నువ్వు సున్నీ ముస్లిమా – షియా ముస్లిమా..?

************
కొన్నేల్ల క్రితం.. అమెరికా నుండీ ఓ క్లైంట్ మ్యానేజర్ హైదరాబాద్ విజిట్ కి వచ్చాడు.
మా మ్యానేజర్ నన్ను పిలిచి – “ఈయన నాలుగురోజులు ఉంటాడు. సాయంత్రం వరకూ మీటింగ్స్ లో ఉంటాడు. తరువాత సిటీ చూడటానికి వెల్తాడు. నువ్వే ఈ నాలుగు రోజులూ దగ్గరుండి అన్నీ చూపించాలి. అతనిచ్చే ఫీడ్బ్యాక్ మనకు చాలా ఇంపార్టెంట్, సో, టేక్ కేర్ ఆఫ్ హిమ్” – అని చెప్పాడు. హెచ్చార్ లకీ, సీనియర్ మ్యానేజర్స్ కి చెప్పాల్సిన పని, నాకెందుకు చెప్తున్నాడు, అని ఆలోచిస్తుండగానే, – ” హిజ్ నేం ఈజ్ – మెహ్మూద్ ****, బార్న్ అండ్ బ్రాట్ అప్ ఇన్ అమెరికా, టు టర్కిష్ పేరెంట్స్ ” -అని చెప్పాడు. ఈ చివరి ఇన్ఫర్మేషన్ తో, మా మ్యానేజర్ ఈ పని నాకెందుకు అప్పజెప్తున్నాడో అర్థమైంది.

*********

కుతుబ్షాహీ టాంబ్స్ దగ్గర, నేను గ్రూప్స్ ఎగ్జాం కి చదువుకున్న అసఫ్ జాహీ హిస్టరీ సంగతులేవో అతనికి చెప్తున్నప్పుడు – సడన్ గా అడిగాడు, -” ఆర్ యు ఎ సున్ని ముస్లిం ఆర్ షియా ముస్లిం?” అని.

Continue reading “ద మైండ్-సెట్ ఆఫ్ ఐడెంటిటీ”

గాంధీ – అంబేద్కర్ – కాంగ్రెస్


ఇది అందరూ వినే ఉంటారు.. .. గాంధీ స్కూల్లో చదువుకునే రోజుల్లో, ఎగ్జాం రాస్తున్నప్పుడు.. డీఈవో ఇన్స్పెక్షన్ కి వచ్చినప్పుడు – స్కూల్ టీచర్ గాంధీని పక్కోడి పేపర్లో కాపీ కొట్టమని చెప్తే – గాంధీ కాపీ కొట్టకుండా, నాకు రాదని చెబితే – డీఈవో మెచ్చుకున్నాడనీ.. అంచేత, పిల్లలెవరూ పక్కోల్ల పేపర్లలో కాపీ కొట్టకూడదనీ… అలా మొదటిసారి గాంధీ గురించి విన్నట్లు గుర్తు.

ఆ తర్వాత , మా ప్రభుత్వ జిల్లా పరిషత్ పాఠశాలలో జరిగే ప్రతీ ఆగస్టు 15, జనవరి 26 స్కూల్ ఫంక్షన్లలో, ఓ పక్క ఫక్షన్ తర్వాత పంచబోయే చాక్లెట్లను తలచుకుంటూనే, మరో పక్క ముసలి టీచర్లందరూ తన్మయత్వంతో గాంధీ,నెహ్రూ వంటీవారి స్వాతంత్ర్య పోరాటం గురించి చెప్తుంటే – ఆసక్తిగా వినడం – ప్రతీ సంవత్సరం జరిగిన రొటీన్ తంతు. ఆ రకంగా – గాంధీ,నెహ్రూ,సర్దార్ వల్లభాయ్ పటేల్,,భగత్ సింగ్, సరోజినీనాయుడు,మౌలానా అబ్దుల్ కలాం ఆజాద్,టంగుటూరి ప్రకాశం పంతులు,చంద్రశేకర్ ఆజాద్, అల్లూరి సీతారామరాజు.. వీల్లల్లో ఎవరేం చేశారో ఎగ్జాక్ట్ గా తెలీకున్నా.. వీరందరూ మన తరుపున బ్రిటీషోల్లతో పోరాడి స్వాతంత్ర్యం సాధించారనీ, వీల్లందర్లోకి గాంధీ హీరోచితంగా పోరాడారు కాబట్టి ఆయన జాతిపిత అయ్యారనీ – నా పాఠశాల చదువు నాకు నేర్పించింది.

Continue reading “గాంధీ – అంబేద్కర్ – కాంగ్రెస్”