నేను-మా జేజబ్బ – పాకిస్తాన్!!
రవీష్ కుమార్- ప్రస్తుతం దేశంలోని హిందీ ప్రసార మాధ్యమాల్లో అత్యంత ప్రజాదరణ కలిగిన ఎన్.డి.టి.వి. వ్యాఖ్యాత. యు.పి లోని దాద్రీలో బీఫ్ తిన్నారనే వదంతులతో ఓ ముస్లిం కుటుంబంపై దాడి జరిగిన వార్తని కవర్ చేయడానికి ఈయన ఆ గ్రామంలో పర్యటించారు. ఆ ఘటనపై, అక్కడి ప్రజలు, ముఖ్యంగా అక్కడి హిందూ యువత ఏమనుకుంటున్నారు, అనే విషయంపై అతను ప్రధానంగా దృష్ఠి పెట్టాడు. వారిలో, ఆ మరణించిన వ్యక్తిపై సానుభూతిగానీ, ఆ ఘటనపై ఏమాత్రం పశ్చాత్తాపంగానీ లేకపోవడాన్ని చూసి తీవ్రంగా చలించిపోయాడు. తన ఆవేదనను ‘ఓ విరిగిన కుట్టుమిషన్, ఓ హత్య, పత్తాలేని పశ్చాత్తాపం ‘ అనే శీర్షికన వ్యాసరూపంలో రాశాడు. దీనిని బి.బి.సి. సహా ఇతర అంతర్జాతీయ ప్రసార మాధ్యమాలు ప్రముఖంగా ప్రస్తావించాయి. Continue reading “నేను-మా జేజబ్బ – పాకిస్తాన్!!”
Damned if you do, Damned if you don’t :(
Damned if you do, Damned if you don’t 🙁
=============================
“ముహర్రం పండగ అసలు పండగే కాదు. ఖురాన్ బోధనల ప్రకారం అలా పీర్లను మొక్కడం, వాటిని ఎత్తుకుని ఊరేగడం లాంటివి తప్పుడు ఆచారాలు” – అని రాశావనుకో –
“నిన్న మొన్నటి దాకా, హిందూ-ముస్లింలు ఎంతో ఐకమత్యంతో ముహర్రం పండుగను కలిసిమెలిసి చేసుకునేవారు. ఇప్పుడు కొందరు ముల్లాలు వచ్చి ఈ పండుగను చేసుకోకూడదని చెప్తున్నారు. దీనితో ఇంతకు ముందులా ఈ పండగను ఇప్పుడు చేసుకోవడం లేదు.ముస్లిముల్లో మతతత్వం పెరిగిపోతుందనడానికి ఇదో నిదర్శనం” – అని కొందరు మేధావి+హేతువాది+మానవతావాదీ+నాస్తికాగ్రేసులు(All in One) వాపోతారు. Continue reading “Damned if you do, Damned if you don’t :(“
నాస్తికుడిగా మార్చిన ప్రశ్న!! – మహాత్మా గాంధీ,మదర్ తెరీస్సాలు స్వర్గానికి వెళ్తారా, వెళ్ళరా?
In search of PURPOSE#1
నాస్తికుడిగా మార్చిన ప్రశ్న!! – మహాత్మా గాంధీ,మదర్ తెరీస్సాలు స్వర్గానికి వెళ్తారా, వెళ్ళరా?
=================================
దాదాపు ఇరవై ఏళ్ళు వచ్చేవరకూ, నాకు ఇస్లాం గురించి తెలిసినదానికంటే రామాయణం,మహాభారతం వంటి వాటి గురించే ఎక్కువగా తెలుసు. ఇంటర్నెట్ అందుబాటులోకి రాకముందు, ఇస్లాం గురించి తెలుసుకోవడానికి ఉన్న ఒకేఒక సోర్స్- మసీదులో ఇచ్చే ప్రసంగాలు. కానీ రామాయణం,భారతాల గురించి బోలెడన్ని సినిమాల ద్వారా, తెలుగు వాచకం పాఠాల ద్వారానూ చిన్నప్పట్నుండీ తెలుసుకుంటూనే ఉన్నాను.
మసీదుల్లో ప్రసంగాలు ఇచ్చే పెద్ద మనుషులు జనరల్గా మదరసాల్లో చదువుకుని ఉంటారు. ఈ మదరసాల్లో చాలావరకూ పేదవారు, అనాధల పిల్లలు మాత్రమే చదువుతుంటారు. బయట డిగ్రీ,పి.జీ, పీహెచ్ డీ లు ఉన్నట్లే మదరసా చదువుల్లో కూడా వివిధ దశలు ఉంటాయి. హఫీజ్,ఆలిం, ముఫ్తీ ఇలా ఉంటాయి. మసీదుల్లో ఐదు పూటలా నమాజు చదివించడానికి ఒకరిని, చాలా తక్కువ నెలజీతం తో నియమిస్తారు. వీరిని ఇమాం లంటారు. దీనికి కావలసిన కనీస అర్హత – ఖురాన్ ని మొదటినుండీ, చివరి వరకూ బట్టీ పట్టి ఉండటం.వీరిని హఫీజ్ లంటారు. వీరికి ఖురాన్ ఇంటర్ప్రెటేషన్ గురించి Expertise ఉండాలనేం లేదు. ఇస్లాం కి సంబంధించిన అన్ని అంశాలపై పూర్తి అవగాహన ఉన్నవారిని ముఫ్తీ అంటారు. ఇది మదరసాల్లో పి.హెచ్.డీ లాంటిది. ఇప్పుడు ఒక పీ.హెచ్.డీ చేసిన వ్యక్తి, ఓ మారు మూల గ్రామంలోని పిల్లలకి A,B,C,Dలు నేర్పే పని చేయడానికి ఒప్పుకోరు కదా, అలాగే ఓ మారుమూల పల్లెల్లోని చిన్న సైజు మసీదుకి ముఫ్తీ లాంటి వారు రారు. ఇమాం లు నమాజు చదివించడంతో పాటు, మసీదుకు రాని ముస్లింలను అప్పుడప్పుడు పోగేసి, వారిని నమాజ్ చదివేలా ఇన్స్పైర్ చేయడానికి ఖురాన్,ప్రవక్త గొప్పదనం గురించి స్పీచ్ లు(ఇజ్తెమా) కూడా ఇస్తుంటారు. Continue reading “నాస్తికుడిగా మార్చిన ప్రశ్న!! – మహాత్మా గాంధీ,మదర్ తెరీస్సాలు స్వర్గానికి వెళ్తారా, వెళ్ళరా?”
“స్త్రీ, పురుషులు సమానమేనట, ఇస్లాం స్త్రీలను అణచివేస్తుందట”
“స్త్రీ, పురుషులు సమానమేనట, ఇస్లాం స్త్రీలను అణచివేస్తుందట”
==================
5 సంవత్సరాల MBBS కోర్సు తర్వాత, PGలో వివిధ స్పెషలైజేషన్లు ఉంటాయి. ఇది మళ్ళీ ఇంకో 3 సం. చదవాలి. వీటిలో ఆండ్రాలజీ అనేది పురుషుల శరీర నిర్మానం, వారికి వచ్చే వివిధ జబ్బులు/సమస్యలు వంటి వాటి గురించి బోధిస్తుంది. ఇక గైనకాలజీ అనేది మహిళల శరీరం, వారి సమస్యలు, వారి హార్మోన్లు, గర్భస్థ, రుతుచక్ర,మెనోపాజ్ వంటి అనేక సమస్యల గురించి బోధిస్తుంది.
“స్రీ, పురుషులు ఇద్దరూ సమానమే, ఆ మాత్రం దానికి రెండు సపరేటు కోర్సులు ఎందుకు. ఏమిటీ అన్యాయం. రెండూ కలిపి ఒకేకోర్సు కింద చెప్పండి. మేము అది చదివేసి గైనిక్ కం ఆండ్రాలజిస్ట్ అని పెట్టేసుకుంటాం”- అని ఏ డాక్టరూ ఇప్పటిదాకా డిమాండ్ చేయలేదు.
Continue reading ““స్త్రీ, పురుషులు సమానమేనట, ఇస్లాం స్త్రీలను అణచివేస్తుందట””
జయతేవ సత్యమే!!
In search of PURPOSE#2
జయతేవ సత్యమే!!
=================
మీరెప్పుడైనా గొడ్డలితో దుంగల్ని విరగ్గొట్టారా?
ముందుగా విరగ్గొట్టాల్సిన పాయింట్ని గుర్తుంచుకుని, ఆ పాయింట్ కి కాస్త అటు పక్క ఓ దెబ్బ,ఇటు పక్క ఓ దెబ్బ, ఇలా చాలా సార్లు రిపీట్ చేయాలి. అలా కాకుండా, అన్ని దెబ్బల మొత్తం శక్తిని ఒకేసారి ఆ పాయింట్ పై నేరుగా అప్లై చేస్తే అది విరగదు. పైగా ఎగిరి ముఖానికి తగుల్తుంది. మన మైండ్ లో చిన్నప్పటినుండీ పాతుకుపోయిన ఒపీనియన్స్ కూడా అలాగే స్టెప్ బై స్టెప్ మెదడులోకి దింపబడతాయి. . ఓ పక్కనుండీ “సత్యమేవ జయతే, అబద్ధం ఆడరాదు, చట్టం అందరికీ సమానమే, మంచోల్లకు మంచే జరుగుతుంది, ఇతరులకు కీడు కలిగించరాదు “ – లాంటి ఎంప్టీ స్లోగన్స్ (శుష్క నినాదాలు), మరో పక్కనుండీ – “ సైన్సు చాలా గొప్పది, సైన్సే గొప్పది, మన కళ్ళకు కనపడేవాటినే నమ్మాలి, కనబడని వాటిని నమ్మడం మూఢనమ్మకం “- వంటి మత వ్యతిరేక భావనలను క్రమ,క్రమంగా బుర్రల్లోకి ఇంకేలా చేయబడుతుంది. అలా ఓ పాయింట్ దగ్గర కొట్టీ, కొట్టీ బాగ గాటు పడి ఉన్న సమయంలో, దానికి దూరంలో మరో చోట విరచాలంటే మళ్ళీ, ఇదే ప్రాసెస్ ని ఫాలో అవ్వాలి, లేకుంటే, పైన చెప్పినట్లు, అది ఎగిరి ఎక్కడోచోట తగుల్తుంది. అలా, నేను స్కూల్లో టీచర్లు, సినిమాలు కలిగించే ఞాన బోధకు అప్పటికే కాస్త సింక్ అయి ఉండటం వల్ల, మా ఊరి మసీదులోని ఇమాం గారు స్వర్గం-నరకాల గురించి చెప్పాలని చూసిన కౌంటర్ న్యారేటివ్ నా మైండ్ లోకి దిగలేదు. అది పార్ట్-1 లో చూశాం.
Sidney Sheldon
Sidney Sheldon – ప్రపంచ ప్రఖ్యాత రచయిత. అతను చాలాకాలం డిప్రెషన్ తో, నిరాశతో బాధపడ్డాడు. 17 సం. వయసప్పుడు, ఈ జీవితం నాకొద్దనుకుని, సూసైడ్ చేసుకుందామని డిసైడ్ ఐపోయాడు. ఒకానొక రోజు ఇంట్లో ఎవరూ లేని సమయంలో విస్కీలో స్లీపింగ్ ట్యాబ్లెట్లు కలుపుకుని తాగుదామనుకున్నంతలో వాళ్ళ నాన్న ఇంట్లో కి వచ్చాడు. అతనికి విషయం అర్థమైంది. కాసేపు అలా నడిచొద్దాం రమ్మని సిడ్నీ షెల్డన్ ని తీసుకుని బయటికి వెళ్ళాడు. అక్కడ ఓ మాట చెప్పాడు. – “జీవితం అనేది పుస్తకం చదవడం లాంటిది. ఒక్కో పేజీలో ఒక్కోరకంగా ఉంటుంది. ఓ పేజీలో బాధ, ట్రాజెడీ,కష్టం, నష్టం లాంటివి ఉండొచ్చు మరో పేజీలో ఆనందం, ఆహ్లాదం, ఉత్సాహం లాంటివి ఉంటాయి. ఇప్పుడు చదువుతున్న పేజీ బాగాలేదని, పుస్తకం చదవడం ఆపేసి పక్కనపడేయకూడదు. అలా చేస్తే, రాబోయే పేజీల్లోని అనేక మంచి విషయాల్ని మిస్ అవుతాం. కాబట్టి, చదువుకుంటూ వెల్లడమే మనం చేయవలసింది. దానిని మాత్రం ఎప్పటికీ ఆపకూడదు. జీవితం అనే పుస్తకం నీచేతిలో ఉంది. చదవుతూ వెల్లడమా, లేక పుస్తకాన్ని పక్కనపడేయడమా అనేది నీ ఇష్టం”
ఈ చిన్న సంభాషణ జరగకపోయి ఉంటే, Sidney Sheldon అనే ప్రఖ్యాత రచయిత, అతను రాసిన అనేక పుస్తకాలు, వాటి ఆధారంగా తీసిన అనేక విజయవంతమైన హాలీవుడ్ సినిమాలూ ఉండేవి కావు.
ఎంటర్ ది ఆర్జీవీ!!!
In Search of Purpose-3
ఎంటర్ ది ఆర్జీవీ!!!
================
హైస్కూల్లో ఉన్నప్పుడు, మా ఊరి మసీదులో ఇమాం గారి స్పీచులు విని ఇస్లాం పై నమ్మకం పోయింది. అది పార్ట్-1 .
ఇంజనీరింగ్ లో ఉన్నప్పుడు ఇంగ్లీష్ నేర్చుకుందామని THE HINDU పేపర్ చదివితే, దాని ద్వారా సమాజంలో జరుగుతున్నవి తెలుసుకుని చట్టం,న్యాయం వంటివాటిపై నమ్మకం పోయింది. అది పార్ట్-2 లో.
దేని మీదా నమ్మకం లేకపోతే కలిగేది అలజడీ,అశాంతే. నా పరిస్థితి అప్పట్లో అలాగే ఉండేది. ఓ బస్సు ప్రమాదంలోనో, రైలు ప్రమాదంలోనో ఎవరైనా మరణిస్తే వెంటనే కొన్ని లక్షలు ఎక్స్ గ్రేషియా ప్రకటిస్తారు. ఆ మరణించిన వారిపై అందరూ సానుభూతి చూపిస్తారు. ఆ చనిపోయిన వారి కుటుంబసభ్యులు కూడా కొన్ని రోజులు ఏడుస్తారు, తర్వాత వారి టైం బాగోలేక అప్పుడు ఆ బస్సులో/రైల్లో ప్రయాణం చేశారు కాబట్టి ఇలా జరిగిందనుకుని, ఆ విషయాన్ని క్రమ,క్రమంగా మర్చిపోయి జీవితంలో మూవ్ ఆన్ అవుతారు. కానీ, తమ వారిని ఎలాంటి కారణంలేకుండా తమ ఊర్లోని ఇతర మతం వారు, ఎక్కడో ఏదో జరిగిందనే నెపంతో పట్టపగలు కత్తులు,శూలాలతో పొడిచి, పెట్రోల్ పోసి నిప్పెట్టి చంపారు. ఆ చంపినవారిపై పోలీసుల కేసుల్లేవు. ఉన్నా కూడా, వారు బెయిల్ తెచ్చుకుని నిక్షేపంగా తిరుగుతున్నారు. దీనిని చూస్తూ ఆ కుటుంబ సభ్యులు ఎలా భరిస్తుంటారు? వారి మనసులో ఎలాంటి ఆవేశాలు, ఎలాంటి ఆలోచనలూ కలుగుతుంటాయి?
ఆర్జీవీ Vs సగటు జీవి
ఆర్జీవీ Vs సగటు జీవి
================
“I inherit nothing. I stand at the end of no tradition. I may, perhaps, stand at the beginning of one” -ఇది అయాన్ ర్యాండ్ రాసిన ఫౌటెన్ హెడ్ పుస్తకంలోని ఓ వాక్యం. తాను అయాన్ ర్యాండ్ రచనల్తో ప్రభావితమయ్యానని ఆర్జీవీ అనేక సార్లు చెప్పి ఉన్నాడు. ఈ ప్రభావితం అనేది ఆర్జీవీ ప్రతి మాటలోనూ, అతని లైఫ్ స్టైల్ లోనూ మనకు కనిపిస్తుంటుంది.
మానవత్వం, మంచి,చెడు – ఇవి సగటు జనం అత్యంత విరివిగా వాడే పదాలు. ఈ పదాల అర్థాన్ని తెలుసుకుంటే చాలా విషయాలు తెలుస్తాయి.
తెలంగాణా చరిత్ర- కేసీఆర్ ముందుచూపు!!
తెలంగాణా చరిత్ర- కేసీఆర్ ముందుచూపు!!
==============================
మీరు రోడ్డు మీద నడుస్తూ వెల్తున్నారు. హఠాత్తుగా ఓ చోట, మీ వర్గం వారు( ఇక్కడ వర్గం అంటే, అది కులం/మతం/ప్రాంతం/భాష etc ఏదైనా కావొచ్చు), మరొక వర్గం వారు పరస్పరం గొడవపడుతూ ఒకరిపై ఒకరు రాళ్ళు వేసుకోవడం, దాడులు చేసుకోవడం చేస్తున్నారనుకోండి. ముందుగా మీరేం చేస్తారు?
ఎవరైనా ముందుగా చేసే పని, వేరే వర్గం వారికి సాధ్యమైనంత దూరంగా వెల్లి, మీ వర్గం వారు ఎక్కువగా ఉన్న చోటుకి చేరిపోవడం. మీకు వ్యక్తిగతంగా ఎలాంటి వర్గ భావం లేకున్నా, ఆ ప్రత్యర్థి వర్గంపై మీకు ఎలాంటి వ్యతిరేక భావం లేకున్నా, అసలు ఆ గొడవ ఎందుకు ఎలా, మొదలైందో తెలీకున్నా, కేవలం ఆ దాడిలో ఎలాంటి గాయాలకు గురికాకూడనే భయం కారణంగా మీరు వెల్లి మీ వర్గం లో చేరిపోతారు. మీ పిల్లల్ని, మరియు ఇంట్లో వారినీ ఆ ప్రత్యర్థి వర్గంతో జాగ్రత్తగా ఉండాలనీ, వారు ఉన్నచోటుకి వెల్లాకూడదనీ హెచ్చరిస్తారు. కొంచెం బుద్ధి ఉన్న ఏ మనిషైనా ఇదే చేస్తాడు.
పేరు మార్చుకుంటే పోలా!!
In search of Purpose-4
పేరు మార్చుకుంటే పోలా!!= ========================
“యాక్చువల్లీ, మా ఆవిడ నిన్ననే వేరే వారికి ఇచ్చేసిందంటా”
“సారీ అండీ, మా బామ్మర్ది వేరే వారిదగ్గర అడ్వాన్స్ తీసుకున్నాడంట”
“నాకు పర్సనల్గా అభ్యంతరం లేదు. కానీ, అపార్ట్మెంట్ అసోసియేషన్ వారు ఒప్పుకోరు”
“మేము నాన్ వెజ్ తినేవారికి ఇవ్వమండీ”
ఇవీ హైదరాబాద్లో ఇల్లు వెతికేటప్పుడు నాకు కామన్ గా ఎదురయ్యే రెస్పాన్స్ లు.