Category: General

ప్రస్తుతం దేశంలో ఏ మూల చూసినా, పల్లె,పట్నం అనే తేడా లేకుండా, కరోనా మృతుల అంతిమ సంస్కారాలు నిర్వహించడంలో ముస్లింలు అందరికంటే ముందు వరుసలో ఉంటున్నారు.చనిపోయిన వారి మతంతో సంబంధం లేకుండా, ఏ మతస్థులకు ఆ మత ఆచారమం ప్రకారం అంత్యక్రియలు నిర్వహిస్తున్నారు.కరోనా సోకుతుందేమోననే భయంతో, కడుపున పుట్టిన బిడ్డలు, సొంత తోబుట్టువులే శవం దగ్గరకు వెళ్ళడానికి కూడా భయపడుతున్న ప్రస్తుత పరిస్థుతుల్లో, ముస్లింలు తమకు ఏ మాత్రం సంబంధం లేకపోయినప్పటికీ ఆ పార్దీవదేహాలను గౌరవ మర్యాదలతో మోసి, స్మశానవాటికలకు తరలిస్తున్నారు.

“మతం వల్లే అత్యంత రక్తపాతం జరిగింది. మతమే అన్నిటికంటే కౄరమైంది. మతమే మానవ జాతి వినాశనానికి కారణం”…. – ఈ టైపు వాదనలు నాస్తిక మేధావుల నుండీ నేను కొన్ని వందల సార్లు విని ఉన్నా. దాదాపు అందరూ వినే ఉంటారు.చాలామంది ఎగబడి అలాంటి వాటికి లైకులు కొట్టడం, షేర్లు చేయడం కూడా చేసే ఉంటారు. ఇంతమంది బలపరుస్తున్నారంటే, అదేదో తిరుగులేని నిజమేననే భావన కూడా, రిప్పుల్ ఎఫెక్ట్ లా, చాలామందిలో ఫిక్స్ అయిపోయి ఉంటుంది. ఇంతకీ దీనిలో నిజమెంత.