శుక్రవారం.ఇన్

ఓవైసీ ఒంటరిగా పోటీ చేస్తే అది బీజేపీ కి లాభం, సెక్యులర్ పార్టీలకు నష్టం అనేది బేసిక్ కూడికలు,తీసివేతలు తెలిసిన వారందరికీ కూడా అర్థమయ్యే విషయమే. దీనికి పెద్దగా డిటెక్టివ్ అనాలసిస్ లు అవసరం లేదు. ఎంత లాభం అనే విషయం మిగతా పార్టీల బలాబలాల్ని బట్టి మారుతుంటుంది.

జగన్ ఏం హామీలిచ్చాడు, YSRCP మ్యానిఫెస్టోలో ఏముంది.. వంటి అంశాలతో సంబంధంలేకుండా. చాలా మంది రెడ్డీస్.. దాదాపుగా.. జగన్ పార్టీకే ఓటేస్తారు. ఆ పార్టీ తమదిగా భావిస్తారు. అలాగని YSRCP నాన్-రెడ్డీస్ కి వ్యతిరేక పార్టీ కాదు. దానికి ఇతరులు కూడా ఓటేస్తారు. ఇతర వర్గాల నాయకులు కూడా ఆ పార్టీలో చాలామంది ఉన్నారు.

చంద్రబాబు ఏం హామీలిచ్చాడు, టీడీపీ మేనిఫెస్టోలో ఏముంది.. వంటి అంశాలతో సంబంధం లేకుండా చాలా మంది చౌదరీలు( కమ్మాస్) టీడీపీ కే ఓటేస్తారు. ఆ పార్టీ తమదిగా భావిస్తారు. అలాగని టీడీపీ చౌదరేతరులకు వ్యతిరేక పార్టీ కాదు. దానికి ఇతర వర్గాల వారు కూడా ఓటేస్తారు. ఇతర వర్గాల నాయకులు కూడా ఆ పార్టీలో చాలామంది ఉన్నారు.

ఎక్కడైనా తీవ్రవాద దాడి జరగగానే ముస్లింలే చేశారని ముందుగా అనౌన్స్ చేయడం -> అది బాగా వైరల్ అవ్వడం -> తర్వాత అది చేసింది ముస్లింలు కాదని తెలియగానే, సైలెంట్ గా దానిని కప్పెట్టేయడం -> ఇదో రొటీన్ తంతు, ప్రపంచ వ్యాప్తంగా.

మన దేశంలో ఇలాంటి మరో ప్యాటర్న్ : సో కాల్డ్ సెక్యులర్ పార్టీలు ఓడిపోగానే, MIM పార్టీని బ్లేమ్ చేయడం -> దానిని వైరల్ చేయడం -> నియోజకవర్గాల వారీ డేటా ప్రకారం MIM పార్టీని నిందించడానికేం లేదని తెలియగానే ముఖానికి నల్లరంగేసుకుని సైలెంటైపోవడం – ఇది ప్రతి ఎన్నికల్లోనూ జరిగే రొటిన్ తంతు.

బీహార్ లో మొత్తం 40 లోక్ సభ స్థానాలున్నాయి. 2019 లోక్ సభ ఎన్నికల్లో, 39 స్థానాలు బీజేపీ, దాని మిత్రపక్షాలు గెలుచుకున్నాయి. కాంగ్రెస్ ఒకే ఒకస్థానంలో నెగ్గింది. అది – కిషన్ గంజ్.

ఆ ఎన్నికల్లో , యం.ఐ.యం – బీహార్ లో ఒకే ఒక్క స్థానం లో పోటీ చేసింది. అదేంటో ఊహించండి.అది – కిషన్ గంజ్.

“ఏ.. మేం హిందువులం కాదా.
మేం యాగాలు చేయలేదా. మేం చేసినన్ని యాగాలు దేశంలో ఇంకెవరన్నా చేసిండ్రా. నువ్ చెప్తేనే చేసినమా.
నువ్ మా కంటే పెద్ద హిందువువా.
చిన్న జీయర్ కాళ్ళకు మొక్కుతా.. కంచి పీఠాధిపతి కి సాష్టాంగ వందనం చేస్తా. పొద్దున లేసి మంత్రం చదువుతా. నువ్ చెప్తేనే చేసినమా ఇయన్నీ..
నువ్వెవరు హిందూ మతం గురించి చెప్పనీకి..”
ఇవి నిన్న ప్రెస్ మీట్ లో కేసీఆర్ సంధించిన ప్రశ్నలు, చేసిన వ్యాఖ్యలు. ఈ ఆర్గ్యుమెంట్ కి చెడ్డీ బ్యాచ్ దగ్గర సమాధానం లేదు, ఉండదు.