శుక్రవారం.ఇన్

BJP- 42%
SP- 32%
BSP- 13%
INC- 2.4%
MIM – 0.46% (2% for 100 seats, which AIMIM contested)
ఇదీ లెక్క. దీని ఆధారంగా కొన్ని కన్‌క్లూజన్లు డెరైవ్ చేయొచ్చు.

నియోజకవర్గాల వారీగా డాటా తీసి, ఇక్కడ ఫలానా పార్టీ పోటీ చేయకపోయి ఉంటే, ఆ వోట్లు ఫలానా పార్టీకి పడి ఉంటే, ఈ పార్టీ కాకుండా- ఆ పార్టీ గెలిచి ఉండేది – అని మరో టైపు కన్‌క్లూజన్ లు కూడ డెరైవ్ చేయొచ్చు. అలా MIM పోటీ చేసిన కారణంగానే SP ఓడిపోయిందని చెప్పగల స్థానాలేవైనా ఉంటే, ఆ డీటైల్స్ కామెంట్స్ లో రాయమని మనవి. ఆధారాలు లేకుండా, కేవలం ఊహాగానాలు చేయడం టైమ్ వేస్ట్.

“వోట్లను చీల్చడానికే ఓవైసీ ఎవరితోనూ పొత్తుపెట్టుకోకుండా ఒంటరిగా పోటీ చేస్తున్నాడంట. “

ఇంతకీ ఏ పొత్తులగురించన్నయ్యా నువ్ మాట్టాడేది? రాజకీయ పొత్తులా, మొక్కజొన్న పొత్తులా? మొక్కజొన్న పొత్తులైతే, అలా మార్కెట్ కెళ్ళి కొనుక్కుని సంకలో పెట్టుకుని రావొచ్చు. రాజకీయ పొత్తులకి రెండు పార్టీలూ అంగీకరించాలి కదా. బాబూరావ్ కుష్వాహ, ఓం ప్రకాష్ రాజ్భర్, చంద్రశేఖర్ రావన్ వంటి నాయకులతో కలిసి సమాజ్ వాదీ పార్టీతో పొత్తుకోసం తాను ఎంతలా ప్రయత్నించాడో TheLallantop ఇంటర్వ్యూలో అసదుద్దీన్ ఓవైసీ డీటైల్డ్ గా వివరించాడు. అతను చెప్తున్నవి అబద్ధాలని ఈ ముగ్గురు లీడర్లలో ఒక్కరూ కూడా ప్రకటించలేదు. పొత్తుకోసం అఖిలేశ్ యాదవ్ ఒప్పుకోకపోతే ఓవైసీ ఏం చేస్తాడు? అఖిలేష్ ఇంటిముందు టెంట్ వేసుకొని భగ్న ప్రేమికురాలి లాగా నిరాహార దీక్ష చేయాలా? ఫేస్ బుక్ లో నాలుగు సోది రాతలు రాసుకునేవారికే ‘వాడు నాకు లైక్ కొట్టకుంటే నేనెందుకు కొడతా’ అని దిక్కుమాలిన ఇగో లుండే కాలంలో, ఓ పార్టీ ప్రెసిడెంట్ కి వారి,వారి కన్సర్న్ లు వారికి ఉండవా?

ఈ డిస్క్లైమర్ చివర్లో చెప్తారు, నేను ముందే చెప్తున్నా – నాకు యం.ఐ.యం పార్టీలో నచ్చని విషయాలు కొన్ని ఉన్నాయి. అన్నిటికంటే ముఖ్యమైంది – వాటిలో అంతర్గత ప్రజాస్వామ్యం లేదు, అంటే – ఎవరు ఎక్కడి నుండీ పోటీచేయాలి, ఎవరెవరితో, ఏ అంశాల ఆధారంగా పొత్తు పెట్టుకోవాలి – వంటి ముఖ్యమైన విషయాల గురించి, ఎలాంటి విధానాలూ, చర్చలూ, డిస్కషన్లూ లేకుండా, కేవలం ఓవైసీ సోదరులిద్దరు మాత్రమే అన్ని నిర్ణయాలూ తీసుకుంటారు. ఇది మంచి పద్దతి కాదు. డెమోక్రటిక్ సిస్టమ్ లో పార్టీలు నడవాల్సిన పద్దతి ఇది కాదు. బట్.. ప్రస్తుతం అందుబాటులో ఉన్న ఆప్షన్స్ లో, కంపారెటివ్ గా చూసుకుంటే, ముస్లిం మెజారిటీ ప్రాంతాల్లో ముస్లింలు యం.ఐ.యం.కే ( Or PFI, ముస్లిం లీగ్, ఆ ఏరియాల్లో ఏది బలంగా ఉంటే దానికి) ఓటు వేయడం మంచిదనేది నా అభిప్రాయం. ఇది క్లియర్.